There is no death, there is the force

Kini ang usa sa mga linya sa Jedi Code. Wala’y kamatayon anaa ang Kusog. Ang kamatayon kabahin lamang sa natural nga proseso diha sa kinaiyahan sa uniberso. Matud pa sa mga siyentipiko ang uniberso padayon nga molapad ug magkalapad. Butang nga lisud tugkaron sa yanong pagsabot lamang. Nga sa ato pa husto gyud diay ang giingon nga ingon nga mga tawo, we are meant for greater things. Ang tanan mahimo kun ato lang gyud pangitaan og paagi. Kun ato lang gyud palihokon ang atong imahinasyon. Nindot ang tanan himoon nato dili aron atong imantala ang atong kaugalingong katakus kon dili aron duna pud kitay mahimo ug matampo sa pag-expand sa relasyonal nga uniberso nga mao ang pakigkukabildo sa atong isigkatawo. Apan dunay mga butang o tawo nga lisud lang gyud kaayo kuyogan apan wala kini magpasabot nga sila mga walay pulos sa panaw padung sa kalipay. Nahitabo lang gyud nga ang Sith Lord sa kangitngitan ug kawalay padulngan nigahum kanila aron maghatag og kasamok sa kadaghanan. Apan bisan pa ana angay gihapon kitang magpasalamat kay sa ilang pagsamok- samok nahimong kulbahinam ang panaw padung sa kalinaw.