Tuhod ayuhon lutaha’g kabukogan molig-on (1)

Sa dugang pang katuigan nga moabot sa kinabuhi, ang atong lawas gastado na nga dunay daghang gipamati, nga may kalabotan sa atong pangedaron. Ang panakit sa tuhod maoy nag-unang sintomas, dayon sundan kini sa kabukogan ug mga lutahan.

Niining higayona, giyahan kita kon unsaon nga mapangandaman ni aron dili kita maantimano niining mga panakit kay kini ra ba ang kalagmitan nga moparalisar sa atong kalihokan sa pagpaningkamot nga makab-ot ang pangandoy.

Ang tuhod maoy naglabi nga kanunay mabun-og kay mao man kini ang nagpas-an sa 80% sa gibug-aton sa lawas nga nakabarug. Hasta ang bukog ug lutahan, kon gastado na ang mga parte niini dinhi na magsugod ang dili lalim nga makangiyaw kita sa labihang kasakit. Mas mosamot kon motukar na ang sakit sa kabukogan ug mga lutahan, makatiyabaw kita sa pagyahat sa kahitas-an aron magpakitabang.

Busa ang remedyo niini, nagtudlo usab kanato gikan sa kinaiyahan nga 100% natural nga kita ayuhon ug palig-onon ang lawas nga permi mohimsog.

Busa wala kitay angay hunahunaon nga risgo o say’d-epek gawas sa epektibong kaayohan. Niini angay kawilihan nga makat-on ning natural nga paagi sa pag-alibyo, nga bisan mga doktor, nahingangha sa katalagsaon sa gahum niini sa pag-alibyo.

Kini nga natural nga pamatay sa sakit sa tuhod, apil na kabukogan ug mga lutahan, nagtudlo kanato sa kasayon nga buhaton, samtang may higayon pa nga maalibyohan, kay kon dili ni matagad dayon, mosangpot nga mawad-an kita og paglaum, gumikan sa kalisud na niini unya alibyohon. Aron paglingkawas nga maibtan ta ning problema sa panakit, iseguro nga mao ni ang atong buhaton.

Atong ipadayon ugma ang ubang detalye sa mga pamaagi kon unsa ug unsaon kini sa paggamit.