Mga benepisyo sa panit sa saging (2)

* Mopahupay sa panakit — Daghang pampaalibyo sa panakit sa lawas, usa na niini ang paggamit sa panit sa saging. Inusnos lang kini sa apektadong dapit nga nagngulngol sa kasakit. Mas mosamot nga makatabang kon sagolan og lana sa lubi o olive ang inusnos nga panit sa saging aron dali moepekto. Inighuman, pasagdi sulod sa 30 minutos hangtud nga makabatyag ka’g inanay nga pagkahupay.

* Moayo sa kagid o pangatol – Ayuhon ang sakit sa panit sama sa psoriasis. Paghiri lang pag-ayo sa panit sa saging ang kagid o nangatol nga parte sa lawas kay nagbaton kini og elemento nga pabugnaw o ‘moisturizing’ nga epekto sa pagmenos sa pangatol. Makita ang alibyo niini, sa bisan unsang oras nga nagdepende sa resepsyon sa panit.

* Mopaalibyo sa pinahitan sa insekto o dangan — Labi na sa lamok ug dugho, pastilan kahasol sa pinahitan modayon og katol-katol ang masinati dayon. Busa imbes kawton, inusnos ang panit sa saging, hangtud nga mawala ang pangatol.

* Palimpyo ug pasinaw sa metal nga silver ug panit sapatos — Aron makadaginot sa gasto, sa paglimpya sa sapatos, paghiran lang ang sapatos og panit sa saging, unya kon mauga-uga na sundan sa pagtrapo og ugang panapton. Inighuman, mahimuot kang magtan-aw sa kasinaw sa imong sapatos.

* Proteksyon sa suwaw sa adlaw (UV rays) — Usa sa hinungdan sa ‘cataract’ sa mata mao ang kasulaw sa adlaw.

Maayo kini nga proteksyon, nga pasagdan ilawom sa kahayag sa adlaw, piyonga ang mga mata nga paghiran sa panit saging, dayon bukha ang mga mata, samtang tabonan kini sa panit saging.

Apan kinahanglan nga maoy gamiton ang preskong panit. Ang prutas nga saging ipahiluna sa hayahay nga ugang restante nga dili painitan sa adlaw.