Ang remedyo sa cancer sa utok (3)

Ang ‘natural chemo,’ lisud tuohan nga dugay na kining gipraktis bisan wala ni itugot sa FDA sa Amerika, nga nadiskubre 50 ka tuig na ang nakalabay.

Didto sa Mexico ug sa Europe, nauso na kini ang natural nga kemo, nga nakapukos sa pagpatay kutob sa madetek nga selyulang kanser. Dili ni sama sa ‘radiation chemo’, nga hasta ang maayong selyula, maapil sa pagkamatay gumikan sa ‘radiation’.

Ang kaepektibo niini nga proseso sa natural nga kemo, nagagikan sa natural nga ‘B12 compound’, nga naa sa liso sa mansanas, sa pait nga almond ug sa liso sa apricot. Dunay mga suplemento niini, apan wala kini maaprobahi sa FDA sa Amerika, mao nga wala kaayo kini mabaniog nga dunay namaligya niini dinhi sa ato.

Ang ‘activated oxygen’, nga natural nga remedyo, wala gihapon kini mapraktis sa atong nasud kay didto ra kini nauso nga matang sa pag-alibyo sa kanser sa utok.

Apan dunay laing paagi niini, sama sa pagkonsumo sa mga pagkaon nga makapasaka sa lebel sa oxygen sa lawas.

Mga  80% nga pagkonsumo sa hilaw o lab-as nga pagkaon sa prutas ug utanon, apil na niini ang pagkilaw sa atay sa baka nga dasok sa B12. Makapasaka na kini sa lebel sa ‘oxygen’ sa lawas, nga usa sa rekesitos aron dili motubo o mabuhi sa lawas ang mga selyulang kanser.