Walay balloons

Kabahin sa matag piyesta ang balloons. Apan ang mga kaparian sa Basilica ang wa na motugot niini. Kini tungod kay alang nila makadaut kini sa kalikupan. Husto man pud sila. Hinuon lisud kini alang sa mga manindahay. Apan mas maayo nga mangita na lang og laing paagi ang mga hingtungdan. Kay dili lang kini mahitungod sa kalingawan. Mahitungod usab kini sa kalikupan ug angay lamang nga atong isakripisyo ang naandan alang sa kaayohan sa tanan.