Ning tuig sa mga iro
Ang iro labi na kun itoy pa, ang nindot gyud hagwaon, makapawala siya sa stress ug gani makahatag og yano apan tinud-anay nga kalipay alang sa iyang amo. Apan sa laing bahin ang iro usahay mamahimo usab nga hinungdan sa kalagot sa uban labi na kun kini na gani ang mogukod, mopaghot, ug labaw na mopaak. Kini tungod kay ang iro territorial. Dili siya buot nga dunay manghilabot sa iyang teritoryo. Labaw na nga dili siya buot nga dunay mosuway og agaw sa iyang privacy ingon man sa iyang dominance. Sa laing bahin ang iro mananap nga matinud-anon ngadto sa iyang agawon. Gawas lang tingali kun mamahimong dunay deperensiya ang iyang pangisip o kaha napasmo mao nga naboang. Sa atong pagsugod ning tuig 2018 ato kining sugdan sa paagi nga husto. Kabahin sa husto nga pagsugod niini mao man ang paghimo niini ingon nga tuig nga anaa ang investment dili lang sa salapi kun dili usab sa relasyon. Praktikal nga tambag: “Ayaw paduol sa mga tawo nga makapa-menos ug makahimo og pagka bahin-bahin. Hinunoa duola ang mga tawo nga makapalambo nimo higala. Kadtong mga tawo nga makapalipay nimo ug dili tong mga tawo nga makapasubo nimo.
- Latest