Gusto nga magminyo pag-usab human gi-divorce sa bana
Dear Atty. Divine,
Naminyo ko og American national niadtong 2010. But after I gave birth in 2013, wa na mobalik sa Cebu ang akong bana nga Amerikano. Akong nahibaw-an nga nag-file kini og divorce sa US hinungdan nga naminyo na sab kini og usab.
Wa gani magsuporta sa among anak nga karon 4 years old na. Naa ko’y live-in partner karon nga andam unta mangasawa nako. Apan dili ko ka pakasal niya tungod kay sa rekord minyo pa man ko sa Amerikano.
Ang akong pangutana, kon makakuha ko og copy sa divorce nga gi-file sa akong bana sa America, mahimo na ba ko nga makaminyo? Daghang salamat. — Nica
Dear Nica,
Bisan kon nakakuha og Divorce decree ang imong bana sa US, ug bisan kon makakuha ka og kopya niini, dili kini automatic nga ma-enforce dinhi sa Pilipinas kay kinahanglan pa kini nga i-recognize sa atong korte aron kini ma-annotate sa inyong Marriage Certificate sa NSO.
Kon mo-file ka og Petition for Recognition of Divorce Decree, kinahanglan nga imong i-attach ang certified true copy sa Divorce decree nga authenticated sa Philippine embassy sa US. I-attach sab nimo sa Petition ang kopya sa balaod sa US nga nagtugot sa Divorce. Kinahanglan sab ka nga mo-testify sa korte. Kon ma-recognize na sa korte ang Divorce decree ug ma-annotate na sa imong Marriage Certificate sa NSO, then mahimo ka na nga makaminyo sa imong live-in partner. Thanks and God bless! — Atty. Divine
Alang sa inyong pangutana ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest