Gustong ibaligya ang ilang share
Dear Atty. Divine,
Ang akong mama namatay last year. Duna kini gibilin nga property sa probinsya nga house and lot, ug maoy gipuy-an karon sa among papa.
Tulo mi ka magsuon, ug duha sa akong mga igsuon gusto nga ibaligya namo ang among property sa probinsya, apan dili mosugot ang akong papa.
Ang akong pangutana, kon mahimo ba nga mabaligya ang property bisan kon supak ang akong papa? Daghang salamat. — Loida
Dear Loida,
Kon ang maong property conjugal, o napalit atol sa kaminyuon sa imong mama ug papa, then pagkamatay sa imong mama, nahimo na kamo nga co-owners sa maong property.
Mas maayo nga hangyuon ninyo ang inyong papa nga i-partition na lang ang property aron makabaligya ang mga heirs nga gustong mobaligya sa ilang share.
So, ang yuta sa probinsya tungaon kini, ug ang katunga niini maoy share sa imong papa samtang ang katunga mao sa’y share sa imong mama ug mao kini ang inyong bahinon nga mga igsuon ug aduna sa’y share ang imong papa niini.
Base sa balaod, ang co-owners sa property adunay katungod nga mo-demand og partition ug aduna sab kini katungod nga mobaligya sa iyang share. Thanks and God bless!- Atty. Divine
* * *
Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa flores_divina@ yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest