Kaayohan gikan sa liso sa kapayas (1)
Kinaiya na nato nga kon mokaon gani og hinog nga kapayas, ato lang ilabay ang mga liso. Apan nasayod ba kamo nga sa moderno nga pagdukiduki sa liso sa kapayas, nadiskubre nga daghan diay kini og benepisyo ug makapaalibyo sa mga problema panglawas.
Sakit sa atay – ang liso sa kapayas, adunay importante nga nutrens nga makatabang sa sakit sa atay nga nikuyos na o ‘cirrhossis’. Pagkuha og 5-6 ka pinauga nga liso (dili pinauga sa adlaw, pinahanginan lang), pinoha o dugmoka ni nga isagol sa pagkaon o sa mga vegetable juice, labi na sa ‘lime juice’. Buhata ni kada adlaw sulod sa usa ka bulan.
Nahingangha kadtong uban nga naayo sa ilang ‘cirrhossis’, pinaagi lang sa liso sa kapayas. Bisan ang mga Hapon nagtuo nga ang pagkonsumo og usa ka kutsarita nga liso sa kapayas, makaprotiher na kini gikan sa pagkasakit sa atay.
Pangdetoks – molimpyo sa atay nga ang pagkonsumo sa liso sa kapayas, bisan og diyutay lang igo na nga makatangtang sa mga toksins sa atay. Sa ingon, makasugakod kini sa grabeng trabaho niini, alang sa panginahanglan sa lawas.
Anti bakteryal — ang liso sa kapayas, epektibo sa pakigbatok sa mga bakterya (antibacterial), sama sa ‘E. Coli’ ug ‘salmonella’, ug labi na sa kaso sa daotang bakterya nga nakahilo sa pagkaon.
Viral infections – nga bisan ang diyutay nga pagkonsumo sa liso sa kapayas, nagsilbi na kini nga panagang o makatabang na sa pag-alibyo sa viral impeksyons.
Didto sa Costa Rica, ang liso sa kapayas, gikonsumo kini nga pakalma sa hilanat nga naimpeksyon sa dengue, aron mosaka ang lebel sa ‘platelet’ sa dugo.
- Latest