Unsay benepisyo nga madawat sa usa ka PWD base sa balaod?

Dear Atty. Divine:

Usa ako ka PWD o Person With Disability mangutana lang ko kon aduna bay balaod nga naghatag sab kanamo og mga benefits o discount sama sa gi-enjoy karon sa mga Sr.  Citizen nga aduna silay 20% discount sa ilang mga bayranan? Kaming mga PWD pwede ba sab kami maka-avail og discount bisan kon di pa kami Sr. Citizen? Daghang salamat. — Rica

Dear Rica,

Daghan kaayong salamat nga imo ning napangutana. Yes, ang mga PWD’s nga mga Filipino Citizen adunay nagkalain-laing benepisyo nga mapahimuslan basi sa RA 7277  kon Magna Carta of Persons With Disability. Basi sa Sec. 32 sa maong balaod kini nagkanayon nga ang mga PWD aduna say 20% discount ug exemption sa E-vat sa mga goods and services. Duna sab kamoy 20% discount sa mga domestic flights bisan kon kini gi-book pinaagi sa website or mobile application o pinaagi sa internet. Apan  kinahanglan nga ibutang ang ID number sa PWD og dapat sad nga dili siya itipon sa grupo inig pa-book sa iyang flight. Inig check in niya, kinahanglan nga mopakita gyud ang PWD sa iyang kaugalingon for verification ug mopresentar og PWD ID o any govt issued ID. Sa ato pa, kon way PWD ID mamahimo ra ang ubang government issued ID ang ipresentar sama sa voter’s id, passport, driver’s license og uban pa. Thanks and God bless. — Atty. Divine

Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.