Unsay buhaton kon dili mobayad ang nangutang?

Dear  Atty. Divine,

Duna ko’y amiga nga nangutang nako og P150,000. Ang among sabot nga  bayran niya kini sulod sa unom ka buwan ug kinahanglan nga ma-fully paid na gyud karong buwana.

Apan sulod sa unom ka buwan, wa gyud siya makabayad sa iyang monthly due. Kon mo-file ko niya og kaso sa korte, ang akong problema kay makagasto na sab ko para sa abogado.

Unsa may angayan nako nga buhaton? Daghang salamat.  —  Lyra

Dear Lyra,

Dunay laing paagi nga makolekta nimo ang iyang utang pinaagi sa korte nga dili na ka magkinahanglan og abogado. Kini ubos sa special rule sa Small-Claims cases.

Adto mo kini ipasaka sa MTC, MTCC  or MCTC sa lugar diin ka nagpuyo. Base sa maong  rule, ang reklamante mahimong mokiha sa nakautang kaniya nga dili na magkinahanglan og abogado.

Adunay porma nga  imo lang i-fill up, then i-attach nimo ang imong proof nga utangan siya, ug dayon i-file kini sa korte. Mopatawag ang korte og hearing ug paatubangon ang imong gireklamo.

Wa’y lawyer nga gikinahanglan atol sa hearing ug kon imong maprobahan sa korte nga utangan siya, then mopagawas dayon og desisyon ang korte ug mandoan ang defendant sa pagbayad niini. Thanks and God bless!  — Atty. Divine

Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.