Gustong magpakasal pag-usab
Dear Atty. Divine,
Nagbuwag mi sa akong bana, six years ago na. Duna mi usa ka anak ug dia kanako ang bata. Nagpakasal mi sa akong bana attorney when I was only 17 years old, apan sa among marriage contract ang gibutang didto nga 19 years old na ko, bisan kon menor de edad pa ako niadtong higayona. Pagkakaron, pulos na mi naka move-on ug gani may lain na siya nga partner. Ako sab, may boyfriend na nga foreigner ug gusto na unta kami nga magpakasal.
Ang akong pangutana, need pa ba nako nga ipa-annul ang among marriage nga klaro man kaayo nga menor de edad ko sa dihang kami nagpakasal? What about kon adto mi sa abroad magpakasal? Unsay angayan nako nga buhaton? — Dora
Dear Dora,
Base sa Family Code, usa sa mga requirements sa valid marriage kinahanglan nga both parties anaa na sa legal age, buot ipasabot nga 18 years old, pataas. Apan ikaw nagpakasal ka samtang 17 years old ka pa, so mahimong questionon ang validity niini tungod sa imong edad, apan bisan kon aduna pa kay ebidensya nga ikaw nagpakasal samtang menor de edad ka pa, kinahanglan gihapon kini nimong ipa-annul sa korte ang imong marriage.
Ang korte lang ang adunay katungod nga mo-annul o modeklarar sa marriage nga void, una ka makapakasal og usab. Kon adto ka magpakasal sa abroad, posibleng makalusot ka apan inig-report sa imong marriage sa PSA, mo-appear sa record nga kaduha ka nagpakasal ug base sa atong balaod, mahimong void ang second marriage kon kini gipahigayon samtang nag-exist pa ang first marriage.
Busa aron dili mahimong komplikado ang imong sitwasyon, mas maayong imo una nga ipa-annul ang imong first marriage sa dili ka pa magpakasal og usab. — Atty. Divine
- Latest
