Pagkaong pahimsog sa utok (2)

* Itlog — Dasok kini sa sustansya’ng ‘choline’, kemikals nga pampabaskog o pagpakusog sa ‘neurotransmitter’ sa utok. Nagbaton sab ni og maayo nga kolesterol nga mopalig-on sa braincells.

* Dandelion green — Maisip kini nga utanon nga isagol sa mga potahe. Dasok kini sa ‘probiotic fiber’ nga mopahimsog sa utok. Motabang kini sa pagpadaghan sa maayong bakterya, aron palig-onon ug protihean ang utok.

* Walnuts — Matang sa mani nga dasok sa nagkalainlaing nutrens, nga motabang pagpahimsog sa utok, sama sa bitamina-E, omega-3, copper, manganese ug ‘brainfibers’ o mga bakterya nga mosuporta sa kahimsog sa utok

* Ehersisyo — Giisip kini nga pagkaon sa kalag kon gustohon mo. Ang aerobic nga ehersisyo maayo nga paunat o pagpalihok nga mobaskog ang pino nga kaugatan sa utok o ‘brainnerves’, ug palambuon ang ‘genes’ o ang hormones sa utok nga maoy moprotiher niini.

* Asparagus — Dasok kini sa ‘probiotic fiber’, pagsuporta sa mga maayong bakterya aron molantip ang abilidad sa pangutok. Nagbaton ni’g taas nga ‘folate’, ug mga nutrens nga anti-implamasyon.

* Kimchi — Koreano’ng tradisyonal nga pagkaon kini nga kargado sa himsog nga ‘probiotic’ bakterya nga pabaskog ug mopalig-on sa utok.

*Jicama — Usa ni ka Mexican yam nga dasok sa tinubdan sa ‘probiotic fiber’. Nagbaton sab ni’g taas nga bitamina-B6, folate, ug bitamina-E.

* Kale — Utanon kini nga menos sa carbo’s, dasok sa vita-C, K, A, potassium ug iron.

* Brocolli — Pangdetoks sa utok, mosanta batok sa ‘free radikals.

* Avocado — Nagbaton og taas nga ‘monounsaturated fat’, pagprotehir sa utok. Ang oil niini makaayo sa hayblad.

* Red wine ug Dark chocolate — Pulos kini mopakusog sa enerhiya sa utok, apan 1-2 ka kopita lang o basong gamay.