Wa motuman sa nasabotan sa barangay
Dear Atty. Divine,
Duna ko’y pangutana labot sa among nasabotan sa barangay ug sa akong silingan nga nakautang nako.
Nagkasabot mi sa barangay nga iya ko nga bayran sulod sa tulo ka buwan, apan wa siya motuman sa among sabot.
Ako siya nga gitawgan apan dili na man siya makontak ug wa na sab siya magpakita sa among lugar? Unsa’y angayan nako nga buhaton? Daghang salamat. — Nicole
Dear Nicole
Base sa Local Government Code, ang amicable settlement o bisan unsa nga nasabotan sa barangay, mahimo kining final kon wa’y mo-question niini og mahimo kining ipa-enforce o ipatuman sa barangay pinaagi sa Lupon o sa Punong Barangay within 6 months sukad nga inyo kining nasabotan.
Kon subra na sa 6 months, mahimo mo kining ipa-enforce sa court na mismo. Mahimo sab nimo nga ipa-rescind ang inyong nasabotan sa barangay, ug dayon mo-file ka og kasong Collection of Sum of Money sa korte nga diin lakip sa imong pangayuon na ang damages. Thanks and God Bless!- Atty. Divine
* * *
Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest