Investment
Nobiyembre 19, 2017: Ikakatloa’g-tulo nga Domingo sulod sa tuig
Mga Pagbasa: Pan. 31;1-10-13/Sal. 28/1Tes. 5;1-6/Mt. 25;14-30
Kini ang kasagaran natong madungog labi na kon may motanyag kanato og mga insurances, business ug uban pa. Kay ni-invest man ta natural, nagpaabot gyud ta og ROI kun Return of Investment. Butang nga nagtinguha kita og maayo maningkamot aron inig abot sa atong retirement magpahayahay na lang ta. Apan sa laing bahin ang maong kinaiya nagpasabot lamang nga may tulubagon kita ngadto ni bisan kinsa nga naghatag kanato sa kahigayonan nga modumala og bisan unsa apil na niini ang atong kinabuhi. Sa laktod ang tuburan ning tanan mao ang Dios ug kay Dios man ang naghatag angayan lamang nga kaniya kita manubag sa tanan natong mga binuhatan. Mahinungdanon kaayo ang nindot nga investment. Apan ang mas molabaw sa tanang investments mao man ang pag-invest og maayong relasyon ngadto sa uban kay pinaagi lamang sa paggamit sa mga temporal nga mga kabtangan alang sa kahimayaang Diosnon, ang kaluwasan maoy atong bugtong bahandi nga dili mahimong kabayran og salapi.
- Latest