Mahimo ba nga angkunon sa giutangan ang yuta nga gi-collateral?
Dear Atty. Divine,
Nanghuwam ko og P200,000 sa akong iyaan kay akong gipuhunan sa negosyo. Sabot namo nga akong bayran ang utang sulod sa 12 ka buwan ug duna kini 5% nga interest matag buwan.
Apan gusto sa akong iyaan nga himoong collateral sa akong utang ang among farm land. Gusto niya nga mo-execute ko og Real Estate Mortgage sa maong yuta.
Matud sa akong iyaan nga kon mapakyas ko pagbayad sa maong utang, iyang birahon ang akong yuta ug makonsider na kuno kini nga iya na.
Ang akong pangutana attorney, kon husto ba ang akong iyaan nga siya na ang makapanag-iya sa akong yuta kon dili ko kabayad sa akong utang kaniya? Daghang salamat. —Mary
Dear Mary,
Base sa atong balaod, kon ang nangutang mapakyas pagbayad sa iyang utang ug aduna sila’y gipirmahan nga Real Estate Mortgage, ang mahimo sa giutangan mao ang pag-foreclose sa gi-collateral nga property ug iya kining ipa-auction ug ang halin niini maoy bayad sa utang.
Hugtanong gidili sa atong balaod ang Pactum Commissorium, ug dili valid ang bisan unsang kontrata nga naglatid nga mapunta sa giutangan ang gi-collateral nga butang kon mapakyas sa pagbayad ang nangutang.
Busa kanang gusto sa imong iyaan nga mapunta na niya ang imong gi-collateral nga yuta, kon dili ka kabayad sa P200,000 kalapasan kana sa balaod. Thanks and God bless.- Atty. Divine
* * *
Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa flores_ [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest