Ang relasyon tali sa Pilipinas ug America

Niay good news – headline sa usa ka nasudnong mantalaan: “Duterte-US relations: From sour tune to friendly harmony.” Good news. dili ba?

Hinumdoman nga sa unang mga adlaw sa pamunoan ni Presidente Digong Duterte, mihulga siya nga iyang putlon ang pila na ka tuig nga relasyon sa Pilipinas ug America. Wala kini madayon, bisan pa sa iyang pakigsuod aron uban sa China ug America.

Sa upat ka adlaw niyang pagduaw sa China niadtong Oktubre sa miaging tuig, si Duterte namahayag nga: “it’s time to say goodbye to the US.”

Giingon dinhi, atong kutloon: “ Duterte had repeatedly slammed former US President Barack Obama, whom he claimed had been dictating on the Philippines for interfering with the country’s domestic affairs. “

Karon, medyo nausab na ang tonada ni Duterte ngadto sa America. Kaha, gumikan  sa pagkapili ni Donald Trump pagka-Presidente sa America. Si Trump mi-assume sa office sa miaging Enero, 2017. Ug matud pa, immediately, mi-mellow down siya bahin sa relasyon tali sa atong nasud ug America.

Atubangan sa mga Pinoy sa iyang pagduaw sa Malaysia, si Duterte nagkanayon: “I don’t want to quarrel anymore,” diin sa iyang pakig-dinner uban sa mga Malacañang reporter, siya namahayag nga he could get along well with Trump

Sa iyang bahin, si Foreign Affairs Secretary Alan Peter Cayetano nagkanayon nga ang relasyon tali sa Pilipinas ug America nagpabiling lig-on. Ug kining pagduaw ni Trump alang sa 2017 Asean Summit dinhi sa nasud, “would further strengthen the relationship and that they will talk about substantive areas of cooperation. Basically, it’s security and economics or trade,” nagkanayon si Cayetano.

So, nindot kaayo nga development. Nagpasabot nga ang America ug Pilipinas are forever friends.

* * *

Tapus ang buhatan sa mayor sa dakbayan sa Makati, mopahunong sa Angkas pag-operate ug pagtak-op sa ilang buhatan, tungod kay wala sila’y business permit, ang Angkas mi-file og petition ngadto sa DOTr aron maka-operate sila formally o legally.  

Ilang gipangayo nga tugotan ang two-wheeled vehicle, ang mga motorsiklo pagpamasahero. Buot nilang iamendar ang Department Order 2015-11 nga nagdili sa duha’y ligid nga sakyanan pagpamasahero.

Kining mga Habal-habal ug Angkas nga nag-operate sa atong dapit, duna ba ni silay mga business permit? Kon gipahunong sila pag-operate didto sa Makati City, gumikan niining kakulang sa business permit, nganong dili man kini mahimo sa dakbayan sa Sugbo?

Kon dili man kini ma-legalize, kaylagi supak sa balaod, at least, ma-regulated tingali.  Nganong dili man?