Banat ( Leaderboard Top ), pagematch: 1, sectionmatch: 1

Natural nga pahimsog sa memorya (1)

Segun sa mga ‘neurologist’, nga eksperto sa kahimsog sa ‘nervous system’, dunay mga natural nga pamaagi aron molig-on ang atong memorya. Sagad gud, bisan pa’g maayo ang pangutok, may higayon g’yud nga mopalyar o mohinay ang atong utok sa pagmemorya, nga usahay maglisud na nga makasabot, makahinumdom, ingon sa dili na maayo ang kondisyon sa hunahuna.

Ang mahimong hinungdan niini, kalagmitan ang dili nato paghatag og prayoridad sa pagbaton og maayong estilo sa kinabuhi, nga nakaapektar sa atong memorya, kay importante kini kanato aron ang memorya, makahulagway sa mga panlantaw nato sa kinabuhi, nga makakab-ot og kausaban sa mga nasinati’ng kakulian, sa pakigbisog niining kinabuhia. Ania, atong sundan:

* Menosan ang implamasyon ug kaon og igo’ng tambok — Kutob  sa mahimo likayan ang mga pagkaon nga magdulot og implamasyon, kay toksik o hilo kini sa lawas ug utok. Menosan sab ang pagkahinam-is, sa proseso nga pagkaon ug mga produkto sa bakahan (dairy products). Maoy kaonon ang sama sa avocado, mani (goodfat) ug anti-implamasyon sama sa cinnamon, turmeric, ug uban pa.

* Likayan nga magsalig sa medikasyon — Sagad gud magsakit gani ang ulo, o kaha dili makatulog, modayon og tumar og tambal nga pahupay o pakalma sa ulo. Labi na’g sige og inom og anti-depressant nga tambal, maapektohan niini ang katin-aw sa memorya o pangutok. Sa dili pa modangop sa tambal, mangita una og mga natural nga remedyo, nga direkta wagtangon ang hinungdan sa pagkasakit.

* Mahinanokon nga pagtulog —  sa mga pagtuon, ang wala’y maayong kinatulgan, apektado niini ang memorya, makadepres, kulang sa pokus o atensyon, ug motumaw ang mga laygay nga balatian kun chronic diseases.    

  • Follow Us: