Banat ( Leaderboard Top ), pagematch: 1, sectionmatch: 1

EDITORYAL - Ang pasalig sa China

Maayo unta’g tumanon ang gisaad. Mao kini ang naa sa hunahuna ni Presidente Duterte dihang iyang gihangyo ang presidente sa China nga si Xi Jinping nga hunongon na ang expansionism sa ilang nasud diha sa West Philippine Sea. Si Duterte miingon nga si Xi mipasalig nga dili na  sila maghimo pa og dugang mga isla diha sa Spratly Islands. Ang maong lugar sakop sa lungsod sa Kalayaan sa probinsya sa Palawan.

Mao usab kini ang rason nganong gipahunong  ni Duterte ang konstruksyon og mga estraktura nga kapasilongan sa mga mananagat diha sa Sandy Cay, kapin duha ka milya gikan sa Thitu Island o Pagasa Island. Niadtong bulan sa Agosto, gibutyag ni Magdalo Rep. Gary Alejano nga gilibotan sa mga barkong panggubat, coast guard ug mga fishing vessels sa China ang Sandy Cay.

Apan si Foreign Affairs Secretary Alan Peter Cayetano miingon nga unsa may naa kon may barko sa China sa WPS? Ngano man kuno kon barko sa Amerika ang moanha, wala ma’y reklamo ang Pilipinas? Husto siya bahin niini. Una, wala nakiggiyera ang Pilipinas sa China. Ikaduha, maayo ang relasyon sa duha ka nasud ubos sa pamunoan ni Duterte, Ikatulo, hadlok si Duterte nga “masakeron” ra ang mga sundalong Pilipino.

Apan dili man siguro mapugngan ni Cayetano nga mabalaka ang mga tawo kalabot niini. Gipang-ilog na sa China ang mga teritoryo sa Pilipinas, pito ka mga lapad nga bahora sa Spratlys nga kontrolado sa Pilipinas ug kining Panatag Shoal nga duol kaayo sa Zambales ang kontrolado na karon sa China. Wa ba diay daotan niini? Hinuon husto si Duterte nga makig-amigo sa China. Nakaginhawa og gamay ang Pilipinas  kay mura ra ni og gi-delay og gamay sa China ang ilang ambisyon sa WPS.

Apan hangtud kanus-a man kaha ang pasalig sa maong nasud? Dili man forever si Duterte ug si Xi sa ilang pwesto, kon maabot kining panahona, andam na ba ang Pilipinas?

  • Follow Us: