Mga igsuon dili na modawat og bahin sa kabilin

Dear Atty. Divine,

Duna ko’y pangutana labot sa property nga kabilin sa among mga ginikanan. Tulo mi ka magsuon ug ang duha tua na magpuyo sa US. Ako maoy kamanghuran ug ako ang nag-atiman sa akong mga ginikanan hangtud nga sila namatay.

Ang akong papa namatay 2 years ago ug ang akong mama namatay last year . Dunay house and lot nga gibilin ang akong mga ginikanan ug titulado kini. Matud sa akong duha ka igsuon nga dili na sila mo-claim og share ug ilang ihatag nako ang house and lot.

Unsay angayan nako nga buhaton aron ma-transfer sa akong pangalan ang maong kabilin. Daghang salamat. —Gerald

 Dear Gerald,

Aron imong ma-process ang transfer sa property, magpahimo ka og Extrajudicial Partition with Waiver of Rights sa  imong abogado nga pirmahan ninyong tulo ug panotaryuhan.

Kining Waiver of Rights nagpasabot kini nga ang duha nimo ka igsuon mi-waive sa katungod nila sa ilang share, in your favor. Human manotaryuhan ang dokumento, imong i-submit sa BIR alang sa pagbayad sa Estate Tax ug sa Donor’s Tax.

Kon mabayran na nimo ang maong mga taxes, mo-release ang BIR sa Certificate Authorizing Registration or CAR ug imo na nga ma-process ang pagbalhin sa tax dec ug sa title ngadto sa imong pangalan.

Mas maayo nga mangayo ka sa BIR og listahan sa mga documents nga angay nimong  i-submit inigpa-compute nimo sa Estate Tax. Thanks and God bless. —  Atty. Divine

* * *

Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.