Write to express, not to impress
Atong kutloon kining giingon dinhi sa Manual on Clear Effective Writing sa Philippine Press Institute (PPI) nga nagkanayon: “The biggest fault of most writing by young reporters or executives is they try to impress someone. The editor, maybe, or the girl friend.”
Ambot applicable pa ba kini karon nga dugay na man kining maong Manual, last printing was in November 1988 yet. Ang first printing was in June 1967.
Atong masabot nga sa atong pagsulat for public consumption, dili nato isama nga nagsulat kita’g love letter to impress sa atong gisulatan, kon dili, mainly to inform.
Kay kon ang atong tuyo pag-impress o pagpabilib nga ngilngig kitang mo-Eningles o mo-Binisaya, mapugos kita paggamit og laglom nga mga pulong nga gitawag og mga polysyllables.
Padayon: “He writes long sentences and involved paragraphs. He is going to prove that he can handle King’s English (or LUDABI? – ams) as well as the next fellow.”
Ang mahitabo ra ba, usahay nga maglisud na hinoon ta’g sabot, matagbaw ta’g pangita og dictionary. Ang resulta, kon subra ka taas ang column o report, mohunong ta’g basa, labi na kon dili kaayo importante ang topic.
“Somewhere,” matud dinhi, “he got the wild idea that this kind of writing makes him appear intelligent. He lost the real idea: that he’s writing to inform his readers, to get facts from his head into their heads.”
Kahinumdom ko sa among panahon, dugay-dugay na to, nga pasulaton kami og informal o formal theme. Maningkamot g’yud mi pag-impress ni Ma’am ug Sir pinaagi sa paggamit og mga pulong nga wa dinhi, wa didto.
So, we wrote to impress, not to express.
* * *
Nindot ni nga balita. Hinaot nga ma-realized ni, nga ang Kasadya sa SRP maka-raise og P3.6 million alang sa dakbayan sa kasaulogan karong tuiga. Kini tapus ang Konseho mihatag og pagtugot kang Mayor Tomas Osmeña pagpakigkontrata uban sa Professional Advertising & Production Specialist paggamit, pag-operate ug pagdumala sa dakong kalingawan sulod sa bakante nga tulo ka ektaryang luna sa SRP.
Kini gikan sa Disyembre 1, hangtud Pebrero 28. Sa ato pa, tulo ka bulan nga kasadya, masulod ang Pasko, ang Bag-ong Tuig ug ang Sinulog. Maayo unta nga ma-available ang public transportation paingon ug gikan sa SRP niining mga adlawa.
* * *
Kon paminyoon ang mga pari, dili ba kaha unya manghilabot ang mga asawa, ang mga anak, ang mga in-laws sa collection sa Simbahan?
- Latest
