Mopalit og property ang igsuon nga may live-in partner

Dear Atty. Divine,

Ang akong igsuon dunay live-in partner sulod na sa lima ka tuig. Duna sila’y duha ka anak apan dili sila kasal.

Gusto nga mopalit og property ang akong igsuon. Ang akong pangutana atorni, mahimo ba nga iya ra nga pangalan ang ibutang sa property nga iyang paliton? Maka-inherit ba niya ang iyang live-in partner? Daghang salamat. — Jina

Dear Jina,

Yes, mahimo nga ang iyang pangalan lang ang ibutang sa property tungod kay ulitawo man siya ug dili man sila kasal.

Pero base sa atong balaod, any properties acquired during the time nga naglive-in sila makonsiderar nga co-owners ang manag live-in partner.

So posible sab g’yud nga mo-claim ang live-in partner sa iyang share isip co-owner niini. Apan dili siya maka-inherit sa estate sa imong igsuon kay dili man sila kasal.

Ang ilang duha ka anak, bisan kon kini illegitimate, maoy maka-inherit sa imong igsuon. Thanks and God bless!  — Atty. Divine

* * *

Alang sa inyong pangutana ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.