Todos Los Santos

Way minteryo mao nga medyo mingaw ang kalag kalag nako. Maayo ra pud aron sa ingon magpunay na lang ko og katulog pamasin nga moduaw ang mga kalag aron kanako makighinabi. Kay after all diha sa kahilom mosulti ang Ginoo. Naghigda ko nga sinud-ong ang akong kisame nga daw chessboard ug sa akong imahinasyon, akong gisud-ong ang akong kaugalingon nga nagduwa og dama diin akong kaatbang ang ako lang pud nga kaugalingon. Kinsa ba ang molihok sa bato ang real self ba o ang ideal self ba nuon. Ambot lang matud ko tingali ang mga Santos kaniadto ang nisinati usab sa ingon. Kay lisud kaayong magkasumpaki ang gidamgo mo nga ikaw batok sa tinuod nga ikaw. Mao nga kinahanglang mohilom ka aron kaugalingon mo imong susihon. Kay ang tawo nahimong balaan kon lig-on ang sukaranan.