Gustong ibaligya pag-usab ang property nga napalit

Dear Atty. Divine,

Duna ko’y pangutana labot sa akong napalit nga property, apan wa pa mabalhin sa akong pangalan.

May Deed of Absolute Sale ko nga pirmado sa nagbaligya, apan wa nako ma-process ang pag-transfer niini.

Gusto unta nako nga ibaligya ang maong property ug direkta na lang kini nga i-transfer ngadto sa buyer.

Unsaon nako ni pagpamaagi? Hinaot nga imo ko nga matambagan sa angayan nako nga buhaton. Daghang salamat. — Pedro

Dear Pedro,

Mahimo man nimo kini nga ibaligya, apan tungod kay wa kini makapangalan nimo, mas maayo nga ang imong seller mao na lang ang imong papirmahon sa Deed of Absolute Sale in favor sa imong buyer.

Apan kon pananglitan og dili na nimo ma-locate ang nagbaligya nimo sa maong yuta, then ang next nimo nga option mao ang pag-process g’yud sa transfer ngadto sa imong name ug kon nabalhin na nimo kini sa imong pangalan mahimo na nimo kini nga ibaligya ug ikaw na ang mopirma sa Deed of Absolute Sale.

Thanks and God bless! –Atty Divine

* * *

Alang sa inyong pangutana, ipadala lang sa Legal Corner sa Banat News sa  V. Gullas St., Cebu City or email sa [email protected] ug  akong tubagon ang inyong pangutana pinaagi sa akong column matag Miyerkukes, Sabado ug Domingo.