Kaangayan
Oktubre 22, 2017: Ikanapulo’g-siyam nga
Domingo sulod sa tuig
Mga pagbasa: Is. 45;1-4-6/Sal. 96/2
Tes. 1;1-5b/Mt. 22;15-21
Kun maghisgot kita og kaangayan nagpasabot kini og paghatag sa bisan unsa nga angay ug matarong sibo sa binuhatan sa tawo. Gani si St. Thomas Aquinas ni define sa justice ingon nga Giving What is Due. Nagkada-iya ang matang sa hustisya. Hinuon dili na nato hisgotan dinhi. Tataw kaayo nga gisulti ni Jesus ngadto sa mga tawo nga buot mobitik kaniya sa pangutana: “Angayan ba nga mohatag kita kang Cesar sa buhis o dili?” Gitataw ni Jesus nga kun unsay angayan alang kang Ceasar ihatag kini ngadto niya ug kun unsay angayan alang sa Dios nan ihatag ngadto sa Dios. Ning paagiha ang iyang mga kaaway ang wala makabitik niya.
Diha sa atong kinabuhi nahimong sayop ang atong panlantaw. Sa higayon nga atong hunahunaon ang atong kaugalingon lamang nan, malisud alang nato ang paghunahuna sa paghimo og maayo ug angayan ngadto sa uban. Ang atong gihunahuna ang ato lang kaugalingon. Ug kun kaugalingon lang ang gihunahuna nan, malisud alang nato ang paghimo og unsay angayan. Diha sa kalibutan sa kalambigitan haum ug matarong nga atong hunahunaon nga aron magpuyo kita sa kinabuhing malinawon buhaton nato ang angayan ug kuyog niini ang kalooy aron sa ingon ang hustisya mas mahimong makahuloganon kun sambogan kini nato og Gugma.
- Latest