Kon mawala ang orihinal nga titulo sa yuta

Dear Atty. Divine,

Ang akong mama ug ang iyang igsuon adunay na-inherit nga yuta gikan sa  ilang mga ginikanan. Titulado ang maong property apan wa sila masayod kon asa ang title niini. Gusto unta nilang ipa-transfer ang titulo niini gikan sa ilang ginikanan ngadto kanila. Tinuod ba nga dili ma-process ang transfer kon dili namo mapresentar ang original title? Unsaon man namo pagkuha og laing copy sa title? Daghang salamat.  — Pedro

Dear Pedro,

Kinahanglan g’yud ang original copy sa title kon inyo na nga i-process ang pag-transfer sa maong property. Kon dili na g’yud ninyo makit-an ang original title, mo-execute ang imong mama ug ang iyang igsuon og   Affidavit of Loss ug ilang ipa-annotate sa Register of Deeds ang ilang affidavit.

Human niini, mangayo sila og Certified True Copy sa Title nga aduna na’y annotation sa Affidavit of Loss ug dayon mokuha mo og abogado alang sa pag-file og Petition sa korte alang sa issuance sa new title hulip sa nawala nga titulo.

Aduna ni hearing ug kon ma-grant sa korte ang inyong Petition, ang korte momando sa Register of Deeds pag-issue og laing title hulip sa nawala nga original title. Thanks and God bless! - Atty. Divine

* * *

Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.