Last Will angay’ng ipa-probate sa korte aron mapatuman

Dear Atty. Divine,

Duna ko’y pangutana labot sa Last Will and Testament sa akong mama. Ang akong mama namatay sa America ug may gibilin siya nga Last Will.

May property si mama sa US ug duna sab siya’y property dinhi sa Pilipinas. Dugay na nga nahimong US citizen ang akong mama ug didto niya gi-execute ang iyang Last Will sa America.

Ang akong pangutana, unsaon man pagpatuman sa Last Will sa akong mama sa iyang property dinhi sa Pilipinas? Kinahanglan pa ba namo nga ipa-probate ang iyang Last Will? Daghang salamat. — Lina

 Dear Lina,

Aron mapatuman ang Last Will sa imong mama sa iyang mga property sa Pilipinas, kinahanglan g’yud nga inyong ipa-probate sa korte dinhi sa Pilipinas ang iyang Last Will.

Base sa balaod, ang Last Will sa usa ka tawo mahimo nga ipa-probate sa Regional Trial Court sa dapit diin siya namatay. Apan sa kaso sa imong mama nga didto man sa America namatay, ang iyang Last Will adto nimo ipa-probate sa korte sa dapit nga diin aduna siya’y property.

Kon maaprobahan na sa court  ang iyang Last Will, then mahimo na kini nga ipatuman. Thanks and God bless!  — Atty. Divine

* * *

Alang sa inyong pangutana, ipadala lang sa Legal Corner sa Banat News sa V. Gullas St., Cebu  City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo