Kapila man g’yud mag-sex? (2)

Sa gihimong panukiduki, ang kahimsog ug ang pagseks, magduyog kini nga may kalambigitan nga pagamyon niini ang hawak, mas lig-on og kasingkasing, ug menos sa risgo sa prostate ug sa breast cancer. Mopahimsog sab ni sa hunahuna kay paubson man niini ang depresyon.

Bag-ohay lang sa napagawas nga pagtuon, nga naa nitumaw sa ‘American Archives of Sexual Behavior’, nga matud pa, gikan sa tuig 2010 -2014, sagad naandan na sa mga hamtong, magseks og menos 9  ka beses matag   tuig, kaysa kaniadto’ng 2000-2004.

Mas nikibra sa nag-ipon nga magtiayon, nga 16 ka beses sa tuig, kaysa ulahi nga pagtuon nimenos g’yud. Ngano ug unsa may hinungdan niini?

Sigun sa pagtuon ni Jean Twenge, propesor sa Psychology sa San Diego State University, nga gumikan kini sa taas nga oras sa pagtutok sa pinansyal nga paningkamot ug sa kapiot sa pag-amuma sa pamilya. Dugangan pa sa nagkataas nga kalidad sa kalingawan, ug nagkalawom nga kompetensya sa gawasnon nga higayon sa paglipaylipay gawas sa panimalay.

Apan bisan pa niini, matud ni Twenge, wa g’yud mawala ang pagseks. Sa pagkakaron, kasarangan na ang 54 ka beses sa tuig o menus sa 1 ka beses sa semana. Sa lain sab nga pagtuon sa Institute of Kinsey, gihimoan og konklusyon ang igo nga pagseks, sama sa mga mosunod.

* Sa edad 18-29, sagad gikuridas sa 112 ka beses sa 1 ka tuig…* Sa edad 30-39, gikuridas 86 ka beses sa 1 ka tuig…* Sa edad 40-49, gikuridas sab sa 69 ka beses sa 1 ka tuig…..

Sukwahi sa gihimo sa uban, 13% sa managtiayon, panagsa magseks sa 1 ka tuig…45% ang pipila ka beses sa 1 ka bulan, ug 34% - nga katulo sa 1 ka semana nga ang uban nila niini  7% - kaupat ka higayon sa semana.