Ang counter nga gipabarog

Kini ang akong gihimo aron mahatagan og dakong lugar ang akong kuwarto. Sa laktod gi-modify ang counter nga lamesa hinuon daw sama siya sa book shelves nga gibutangan og mga libro sa psychology. Ug lamesa nga tun-anan ako gyud gihawanan. Ingon ini usab ang shunyata sa Buddhist nga pagtulon-an. Usahay di kita makakuha sa nirvana tungod kay atong gitugotan ang atong hunahuna ug kasingkasing nga matapok-an sa mga hunahuna ug pagbating way hinungdan. Kay dili man hawan, aw ang nahitabo nahimo kitang daw sama sa mga tawo nga saag ug gubot pa sa lukot ang linaktan. Focus. Kini ang kinahanglanon aron makita mo ang imong dapit diha sa tawhanong kalambigitan. Mao nga sa akong paghimo sa naandang routine sa kinabuhi naka-realize ko kun asa pa man padung ang tanang paningkamot kun ang tanan dili man diay permanente. Mao nga diha sa paglantaw sa kinabuhi ingon nga lumalabay mamahimong mas praktikal nga sa tawo ug uban pa ikaw di magpahigot aron ang dughan mo dili magbagutbot.