Sayop nga entry sa date of birth sa birth certificate

Dear Atty. Divine,

Duna koy pangutana labot sa sayop nga petsa sa entry sa date  of birth sa akong Birth Certificate, ang akong birthday November 14, 1975 apan karong bag-o pagkuha nako og Birth Certificate sa NSO ang entry sa akong birthday instead nga November 14 ang nabutang November 24 but same year. Gusto nako nga makorihian kini aron di ko maproblema sa higayon nga ako mo-retire. Ang akong pangutana, kon kinahanglan pa ba kong moagi sa korte? Unsay mga documents ang angay nako andamon alang sa pagpa-correction niini? Daghang salamat. — Lyca

Dear Lyca,

Kining sayop nga entry sa petsa sa imong birthday sa Birth Certificate makonsiderar kana nga clerical error busa mamahimo kini nga imong pakorihian pinaagi lang sa Civil Registrar diin ka marehistro. Ang Civil Registrar aduna silay pro-porma sa Petition og aduna silay listahan sa mga dokumento nga angayan nimong i-submit kanila. Apil sa imong andamon nga dokumento mao ang imong birth certificate gikan sa Local Civil Registrar ug gikan sa NSO, mga dokumento nga mopakita sa imong tinuod nga birthday like school records, baptismal certificate ug uban pa. Kinahanglan ‘sab nga i-publish ang imong Petition. Kinahanglan sab ikaw nga mobayad sa filing fee nga P3,000.00. Apan mas maayo nga mangayo ka sa Civil Registrar sa list of requirements aron imo kining i-comply alang sa imong pagpa-correction sa imong Birth Certificate. Sa higayon nga makompleto na ang imong requirements then that’s the time nga imo kining i-submit kanila. Thanks and God bless!