Politika

Giingon dinhi nga politics is entertainment, and cheap entertainment too. Giingon usab nga politics is a game of the devil. Maunsa man, kitang mga Pilipino enjoy kaayo sa politika, despite sa mga kadaot nga nahatag niini nganhi kanato.

Ang politika sa atong nasud, atong ipamahaw, ipaniudto, ug ipanihapon, ug panahon sa eleksiyon, i-snacks pa, lakip ang midnight snacks. Mao kini nga politika maoy namat-an nato og kahayag. Enjoy kaayo ta, maoy hinungdan nga immediately a day after the election day, sugod dayon ang politika hangtud na sa sunod eleksiyon.

Apan, politics per se is not bad. Kita na nga mga Pinoy maoy nagpa-bad niini. Simple kaayo ang kahulogan sa pulong politics. Ang English dictionary nag-ingon nga politics is a science of government.

Ang Roget’s Thesaurus naghatag ning mosunod nga synonyms sa pulong politics: political science, art of government, administration of public affairs, practice of government affairs; affairs of state, government policy, statecraft, statesmanship; political views, political matters, party policy, party leadership.

Sa laktud, ang politika usa ka siyensiya pagpadagan sa gobiyerno. Note nga nagkahulogan usab og statesmanship ug party policy. Statesman ba ang atong mga politiko? Ug unsa may mga baruganan, policy o ideology (kon duna man) ang atong mga political parties? Dili ba paggukod o pagkiha man sa mga kaatbang sa politika even after the elections?

Akong tan-aw, kon dili nato kahatagan og tukmang kahulogan ang politika, dili gayud magmalampuson ug magmauswagon kining atong nasud.

Giingon nga change is coming. Niabot na ba?    Ato na ba nga gi-change ug gi-practice  ang tukmang kahulogan sa politika?

* * *

Ang smoking ban sa mga public places (Executive Order No. 26) ni-take effect sa miaging Hulyo 23, motulo na ka bulan gikan sa pagpatuman niini.

Ug sama niadtong anti-distraction law (kahinumdom mo?), mangutana kita kon pila na’y nadakpan kay makakita man lang  gihapon ta og manigarilyo in public places.

May daghang ordinansa ug mga balaod nasyonal nga kutob lang sa papel, kulang o wala gayu’y implementation. Duna kita’y anti-jaywalking, anti-smoking, anti-littering, anti-smoke belching, anti-noise, ug mga pag-require pagsul-ob sa helmet, pagsubay sa pedestrian lane, pagdili sa over speeding ug overloading, ug daghan pa.

Karon atong gidugangan niining nationwide nga smoking ban in public places. Maayo unta nga maghimo’g balaod o resolusyon ang Kongreso nga magtuki ug mag-ihap sa mga balaod nga wala mapatuman ug magsilot sa mga ahensiya nga wala mopatuman niini.

Lisud kaayo nga kutob lang ta sa pagpanday og mga balaod apan wala’y pagpatuman.