Kon asidik ang lawas

Sigun pa ni Dr. Otto Warburg, usa ka Nobel Prize winner niadtong 1931, alang sa nadiskubre niya sa kanser, nga ang hinungdan niini mao ang kahimtang sa lawas nga asidik. Motumaw kini gumikan sa kakulang sa ‘oxygen’.

Niya pa, ang selyula nga kanser, dili mabuhi kon ang lawas anaa sa kahimtang nga  alkaline. Kon taas sa oxygen ang lawas, ang mga selyula nga  anaerobic, mangamatay kini. Ang  oxygen gikinahanglan sa lawas bisa’g labing menos 35% aron masanta nga dili kabuylo ang kanser.

Sa laing bahin, ang kanunay nga pagkunsumo og mga asukar, mga proseso nga pagkaon, mga GMO’s, mga sinambogan og toksik nga kemikals ug uban pa nga delikado nga kaonon makadaot sab. Mao kini ang estilo sa pagkaon nga makapaasidik sa lawas. Angay nga magmatngon kita nga dili moabuso niining maong matang sa pagkaon.

Kon kita asidik, mohuyang ang atong imyun. Dinhi mosulod ang daghang sakit sama sa kanser, kasingkasing, diabetes, osteoporosis, kabuhi, ug uban pa. Aron dili kahugpahan sa mga sakit, iminten ang lawas nga kanunay anaa sa kondisyon nga  alkaline.

Kay medyo sagad nato anaa sa 50:50, tinguhaon nga kining rekomendasyon buhaton gayud nato, para ma 100% ang alkaline sa lawas.

Ania ang ingrediyentes – 1/3 ka kutsarita sa baking soda ug 2 ka kutsara sa duga sa lemon, o kaha organic apple cider vinegar w/mother’ (lubogon). Ang pag-andam – sagolon ang 2 ka ingrediyentes, hangtud medyo mobuwa na, dayon anamon og butang sa baking soda. Inighuman, ihuwad kini sa 1 ka tasa nga tubig. Ang paggamit – imna nga hutdon kining milagroso nga ilimnon, labi na sa kaso sa asidosis o asido sa tiyan imo dayon nga mabatyag ang epekto.

Pinaagi pag-‘neutral’ sa lebel sa ‘body pH’, ang kaepektibo niining ilimnona, ang lawas mahimong ‘alkaline’. Sulayi, aron dili na ta hasolon sa sakit.