Suliran sa druga dugay na

Sa Abril 1986, kami sa Ministry of Information (MOI) nag-survey mahitungod sa awareness sa katawhan sa Metro Cebu bahin sa suliran sa druga (Note pila na ka tuig ang milabay – and perhaps prior niini, ni-exist na kining maong suliran. Nasuta ug nakita ning maong survey, kining mosunod:

1.) Aware ang katawhan niining maong problema, although dili pa alarming (sama karon). 2.) Nga nagkagrabe ang maong problema sulod sa miaging napulo ka tuig. 3.) Nga kulang o wala’y political will ang gobiyerno paggukod sa mga dagkong supplier sa druga. 4.) Nga kutob lang sa information drive ang nahimo sa mga concerned agencies bahin niining maong suliran.

Adunay mga sugyot gikan sa mga respondents, nga pipila niini, mao nga kinahanglan ma-involved, una sa tanan ang mga ginikanan, ang mga tunghaan, ug ang gobiyerno mismo, nga sa ato na nga giingon, kutob lang sa information campaign ang nahimo.

Laing findings sa survey mao nga gidudahan ang military ug police nga na-involve ning maong suliran. Dugang mga sugyot:

1.) Nga ang gobiyerno magtukod og mga rehabilitation centers sa tibuok nasud. 2.) Purging sa military, CHDF ug kapolisan. 3.) Create a new drug agency sama sa Drug Enforcement Commission sa America. 4.) Arrest pushers & users ug ipahamtang ang bug-at nga silot batok kanila. 5.) Censor all movies involving drug addiction. Organize mothers in the barangays to fight drug addiction. 6.) Conduct intensive seminars on drug addiction involving parents, and let the youth be involved in the effort to fight drug addiction. 7.) Go after bigtime drug suppliers.

Sumala sa atong giingon, dugay na kining maong problema, nga tungod kay gipasagdan lang kini sa gobiyerno, wala’y tininuod nga effort ug paningkamot pagpuo niini,  milamay ug milipang ang maong problema karon – nga nakahimo na’g dako nga kadaot sa katilingban.

Maayo man gani kay gitinuod na kini karon pagpakigbugno sa Duterte administration. Otherwise, kon sama sa nangaging mga administrasyon, nga kutob lang sa information drive ug press releases ang war against the drug menace, ma-biktima na ang tibuok nasud.

Gani karon nga daghan na ang nangamatay gumikan ning gihingusgan nga kampanya batok sa drug problem, daghan man gihapon ang nagbisyo niini. Nagpasabot nga maayo na kining pagkagamot sa galamhan ug kaugatan sa na-involve niini.

Mao nga gikinahanglan ang pagpaluyo sa katawhan, pinaagi sa pagtaho gilayon ngadto sa mga awtoridad kon duna kamo’y mamatikdan ug mailhan nga nagpayuhot ug naggamitan sa gidiling druga.