Mga benepisyo sa Cinnamon-2

Tungod sa kadaghan nga benepisyo sa Cinnamon, tingali maningkamot kita nga ato kining maila ug masulayan kon epektibo ba kini nga mopaalibyo, sigun sa gipresentar nga mga benepisyo sa paggamit niini. Ania, ipadayon nato ang uban pa nga mahatag nga kaayohan niini sa atong panglawas.

Mopamenos sa panakit sa kaunoran, kaugatan, lutahan ug sa panikig sa mga parte sa atong lawas. Makatabang sa pagpalig-on sa imyun ug mopataas sa lugway sa kinabuhi. Ang pasta nga isagol ang  honey ug  cinnamon,  makaayo sa pinahitan sa mga insekto.

Maayo kini nga tinubdan sa manganese, fiber, iron, ug calcium. Kon idugang kini sa pagkaon ang pinulbos nga Cinnamon, mababagan o santaon ang paghulma, nga dili makahunat sa pagtubo ang unsa man nga bakterya nga makadaot sa lawas.

Labaw sa tanan, dili lang ni makapalami, ato sab nga matagamtam ang nutrens nga gikinahanglan sa lawas.

Unang pahimangno. Ayaw pagkaon niini og daghan kada adlaw kay magtuo nga dali nga makuha ang mga benepisyo sa Cinnamon, kay nabaniog usab kini nga makalanag o toksik sa lawas, kon magpalabi niini sa pagkunsumo.

Mas maayo nga sugdan kini nga iwisik o ibalibod ang pinulbos niini sa atong mga pagkaon ug imnonon sama sa gatas o kape ug uban pa.

Ikaduhang pahimangno – Sige, pahimulos panagsa nga masulayan, pinaagi sa pagkunsumo niini sa ginagmay lang, nga ingon sa panimpla lang nga igo lang matagamtaman ang gahum sa Cinnamon.

Kon magpabukal og pinauga nga panit sa kahoy nga Cinnamon, ang 2 ka pakete niini igo na nga lapwaan, nga imnon sa dili pa mamahaw ug sa dili pa manihapon.