Mga benepisyo sa Cinnamon-1

Diha kadto’y napatik nga hulagway sa lokal nga tabloid, dinhi tingali sa Banat News, nga nakita nato nga ang kagamhanan sa probinsya sa Sugbo naghimo’g proyekto pagdasig sa pagpananom og mga Cinnamon.

Sagad sa nahibaloan sa uban, nga kini gigamit lang nga pahumot o palami sa mga potahe.

Nihit nga tanom kining Cinnamon apan dunay daghang baligya niini sa grosereya, o sa supermarket. Ato ron tukion, ang daghan pa nga mga benepisyo;

Mopabalanse kini sa lebel sa kolesterol. Mopaus-os ug inormal ang lebel sa ‘bloodsugar’, ug makapaalibyo sa gi-diabetes-2.

Moprotehir ug mosanta batok sa sakit sa kasingkasing, ug mopagaan sa pagginhawa. Moaway batok sa kanser ug sa risgo sa sakit nga leukemia. Kadtong nangluspad maayo ang Cinnamon, tungod sa iron niini.

Tradisyonal nga tambal kini sa ngipon ug pahumot sa baba ug pagpaalibyo sab kini sa baho sa gininhawa. Mopalig-on sa kalihokan sa utok, paganahon ang hunahuna ug ang memoriya ug nga pagpakalma sa kabalaka ug nerbiyos.

Nagbaton og ‘antifungal’, ‘antibacterial’, ‘antivirus’, ‘antiparasitic’, ug ‘antiseptic’. Sa ato pa, epektibo kini sa impeksyons sa pangagod, ulser sa tiyan, pangatol sa ulo tungod sa kaspa ug kuto.

Mopahupay sa pamikog gumikan sa regla ug nagbaton sab ni og ‘anti-inflammation’, nga pahupay sa artraytis.

Epektibo sab ni sa wala kahilisi sa kinaon, konstipasyon, kalipong, kasukaon, kabuhi, kalibang, ug nagbutod nga naglain ang tiyan. Makatabang sa pagpaihi ug mopamenos sa impeksyon sa ihianan (urinary tract). Makatabang sa pagpakalma sa laygay nga ubo, sip-on ug paghupay sa sinus.

Mopanormal sa lebel nga presyur sa dugo ug sa sirkulasyon, pagseguro nga mahatud ang suplay nga oxygen ngadto sa tanang selyula sa lawas.