Benepisyo sa prutas ug utanon (3)

* Cabbage — Sagad gigamit nga pangsalad ug isagol sa ubang utanon ug karne, tungod sa simple nga kalami. Sa 2015 nga pagtuon, nakompirmar kini nga  anticancer, mosanta nga kapugngan ang pagtubo sa tumor ug moaway batok sa  genomes nga maoy makakanser.

* Brocolli — Nagbaton ni og phytochemikals, nga mopalig-on sa sistema sa imyun ug moaway batok sa kanser. Sa mga pagtuon, kini sab makaalibyo sa kanser sa pantog (bladder cancer), ug sa influenza (flu) kay  anti-inflammatory ni, nga mopugong sab sa pagpakatap sa selyula nga kanser, ug mopaus-os sa sintomas sa hilanat.

* Mango — Ang preskong hilaw niini, makahatag og labing makahimsog nga benepisyo. Mahimong isagol silbi nga panapos nga tam-is sama sa  tarts ug  pies, o i-shake. Nagbaton ni’g antioxidant, anti-inflammatory, antidiabetic, anticancer, antiobesigenic, ug dasok sa vitamin-C.

* Banana — Tugob ni sa dayet nga potassium (electrolyte) nga mohatag og kuryente o signal para sa nervous system sa mahinungdanong pinong kaugatan (nerves) sa kasingkasing. Maayo nga permi mokaon niini alang sa katibuk-an nga kahimsog sa lawas, ang kulang niini makapaluya sa kasingkasing. Duna ni daghan tag-as nga lebel sa mga bitamina ug mga antioxidant nga moabag sa pagmintin sa kalimpyo sa agianan sa dugo. Mopalig-on sab sa imyun.

* Pineapple — gawas nga kini dasok sa vitamin-C, nagbaton sab ni og daghang  nutrens sama sa calcium, magnesium ug iron. Sa 2013 nga pagtuon, nagpakita nga ang pag-inom sa linapwaan nga dahon sa pinya, makapaalibyo sa mikrobyo nga impeksyons (microbial infections), ug ang lig-on nga  anti-inflammatory niini, nakaabag og paspas nga alibyo gumikan sa kadaot sa tisyo.