Benepisyo sa prutas ug utanon (2)

Beans – mga green beans, nagbaton ni og ‘phenolic’ ug lig-on nga antioxidant. Makaalibyo sa dili masabot nga kaluyahon o kakapoy. Ang pag-inom sa juice niini, makapataas sa lahutay o resistensya.

Aloe-vera – gigamit kini nga tradisyonal nga panambal sa diabetes sukad pa sa karaang mga panahon. Makapawagtang sab ni sa pangatol ug panghubag (swelling). Ipahid lang ang unod nga laput sa aloe-vera ngadto sa apektadong panit. Nagbaton sab ni og anti-inflammatory, nga manalipod ug mopalig-on sa pinong kaugatan sa utok ug sa natural nga kahimsog.

Cantaloupe – mopanormal sa kolesterol lebel, ug makatabang sa panan-aw kay nagbaton kini og taas nga lebel sa beta-carotene.

Artichoke – modepensa sa atay batok sa kemikal toksins (carbon tetrachloride), ug mopapiskay sa atay nga dili mahago o maugtas sa trabaho.

Watermelon – Kinaham kini nga pabugnaw o snaks nga i-shake. Duna ni maayong ‘antioxidant’, ‘anti-inflammatory’ ug ‘anticancer’ nga sustansiya. Daghan nga mga pagtuon nga kini mokontrol nga dili madaot ang tisyo sa lawas. Mopamenus sa lebel sa tambok (lipid), ug mopamenos sa risgo sa kasingkasing, kanser ug sakit sa metabolismo.

Apple – matud pa, ‘ang usa ka mansanas sa adlaw, makapahilayo sa doktor’ (an apple a day, keep the doctor away). Tinuod ni, kay nagbaton ang mansanas og dasok sa natural nga kemikals (phytochemicals) nga mopaalibyo sa diabetes, hubak, kanser ug sakit sa kasingkasing. Mosanta sab kini nga dili mokatap ang selyula’ng kanser ug mopasaka sa lebel sa ‘serum cholesterol’.

Beet – nagbaton ni og taas nga nutrisyonal nga katakus. Moprotehir sa kidney, makapaus-os sa implamasyon, kaluyahon batok sa kadaot sa kidney.