War against hunger
Former President Arroyo joins war against hunger – headline. Related sa atong pakiggubat batok sa kawad-on, ang mga nanglabay nga mga presidente, silang tanan, mideklarar usab og war against hunger.
Siyam ka tuig ang pagka-presidente ni Arroyo … ug matud pa, sulod sa iyang pamunoan, iyang gi-implementar ang Accelerated Hunger Mitigation Program. Masabot nga war against hunger gihapon ni. Nagpabilin ang kagutom sa atong nasud. Mo-sponsor kuno siya sa usa ka balaudnon on Food Banking, usa sa mga lakang pagsulbad sa kagutom sa atong nasud. Bangko kini nga maoy modawat sa mga donasyon nga pagkaon gikan sa mga food manufacturers, mga hotels ug sa agricultural sector.
Hinaut nga this time, magmalampuson kita niining atong pakiggubat karon batok sa kagutom. Target sa United Nations, mo-end na ang hunger by 2030. Dugay pa no?
* * *
Bisa’g unsa lang gyud ang kabuangan sa tawo. Sa America, kining headline: “5 nurses suspended in US for admiring dead patient’s genitals.” Di lang ni nato Binisay-on, basta kay lima ka nurse sa Denver Health Medical Center sa Colorado gisuspenso sulod sa tulo ka semana gumikan sa ilang pag-enjoy sa ilang pagtan-aw sa kinatawo sa usa ka lalakeng gi-incapacitated hangtud nga kini namatay, making “ malicious sexual comments.”
Wa sad ni mahitabo dinhi sa ato.
* * *
Niay maayong balita. Giingon nga kitang mga Pinoy giila nga usa sa labing matinabangon sa tibuok kalibutan. Nasulod kita sa top 10 nationalities worldwide, ika-pito kita sa ranking uban sa 139 ka nasud.
Sa miaging tuig, miabot og 25 milyones ka Pilipino ang mi-volunteer for charity work sa nagkalainlaing dapit sa kalibutan.
Lakip sa pag-volunteer mao ang pagpanghatag og cash. Ug despite sa atong kakabus, ika-54 kita sa 139 ka nasud nga nanghatag usab og cash. Not bad for a poor country.
So, na-recognize sa tibuok kalibutan ang atong pagkamatinabangon. Something we can be proud of.
* * *
Mga 10 mil na ang nangamatay gumikan sa kampanya batok sa gidiling druga. Apan, wala gayud masumpo ang drug problem. Ngano man ni? Nagpadayon ba ang supply niini? Kinsa man ni sila? Si Presidente Digong Duterte mismo miangkon nga ang kampanya batok sa gidiling druga, mi-overshot sa iyang unom ka bulan nga deadline ug lagmit mosaylo pa kini tapus sa iyang termino.
Ngano man ni? Gumikan ba sa giingon nga naglisud kita pagpuo sa drug problem tungod kay “We are trimming the twigs without digging out the roots of the problem?”
- Latest
