Unsaon pagkuha sa bank deposit sa namatay?

Dear Atty. Divine,

Ang akong iyaan namatay last year. Duna kini gibilin nga yuta ug deposito sa bangko.

Ang akong pangutana, kon unsaon sa iyang bugtong anak pagkuha ang deposito sa bangko sa iyang mama nga namatay ug unsa’y iyang buhaton aron ma-transfer sa iyang pangalan ang titulo sa yuta nga kabilin sa iyang inahan? Daghang salamat. — Lea

Dear Lea,

Kanang kuwarta nga naa sa bangko, mangayo ra siya sa bangko og listahan sa mga documents nga angay niyang i-comply ug i-submit alang sa pag-claim sa kuwarta.

Kinahanglan sab siya nga mo-post og bond ug mo-execute og Affidavit of Self Adjudication alang sa maong deposito ug sa yuta nga gibilin.

Aron ma-process ang pag-transfer sa yuta, i-submit niya sa BIR ang iyang Affidavit of Self Adjudication, then iyang bayran ang Estate Tax. Ang BIR naa sa’y listahan sa mga requirements sa mga documents nga angayan niya nga i-submit alang sa pagbayad og Estate Tax.

Kon mabayran na niya ang Estate Tax ug maisyuhan na siya og Certificate Authorizing Registration or CAR sa BIR, then that’s the time nga iya na nga ma-transfer ang tax declaration ug title sa property ngadto sa pangalan sa anak. Thanks and God bless! -Atty. Divine

* * *

Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa flores_divina@ yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.