Banat ( Leaderboard Top ), pagematch: 1, sectionmatch: 1

Carbohydrates nga maayo sa diabetes (3)

* Beans —tayubongon kini nga taas og fiber, nga nagbaton sab og protina. Ang klase sa fiber niini nga dili modirekta sa dugo nga iagi og proseso ang pagtunaw sa kinaon. Mao nga maayo ni sa gi-diabetes nga langanon ang pagsaka sa asukar nga magpundo lang sa dugo (bloodsugar). Ang 4 ka tasa sa beans, 4 grams lang carbohydrates. Taas ni og kaloriya busa ginagmay lang ang kaona.

* Mga prutas nga taas og fiber — sagad sa mga prutas, taas og asukar, apan wala nagpasabot nga likayan ni nato pagkaon. Ang sekreto niini, kaona ang prutas nga apilon ang panit kay anaa sa panit ang fiber. Ang dili pagkaon og prutas, matud ni Nguyen, mas ngil-ad pa kaysa nagpatuyang sa pagkaon niini.

* Berries — Mga prutas nga berries, sama sa raspberries, ang 1 ka tasa niini 14 grams sa carbohydrates ug ang strawberries 11 grams lang. Ang berries ubos og kaloriya apan taas og fiber, ug antioxidants, vitamins, ug minerales. Maayo ni nga iapil sa diyeta, segun sa rekomendasyon sa European Journal Nutrition, ang raspberries (illagic acid) kay makatabang sa pag-ayo sa diabetes. Naa’y daghang klase sa berries sa mga prutasan o sa supermarket.

* Vegetables (mga utanon) — Kompleto sab ni sa carbohydrates sama sa mga prutas, nga wa na kinahanglana nga panitan, sama sa patatas, kalbasa, kamote, apan ginagmay lang, dili magpalabi. Makakaon ka sa broccoli nga 1 ka tasa, bali na og 15 grams nga carbo. Mahimo sab ½ sa plato niini, paresa’g ¼ sa tasa’ng kan-on ug ¼ ka tasa sa protina sa unod sa karne.

* Humay — Maoy kaonon ang humay nga ‘wholegrain’ sama sa quinoa, wholewheat pasta, ug brown rice, kay ang mga high-milled rice halos wa na ni mga nutrens ug fiber.

 

  • Follow Us: