Banat ( Leaderboard Top ), pagematch: 1, sectionmatch: 1

Pagkaunlod

AGOSTO 13, 2017: Ikanapulo’g-siyam nga Domingo sulod sa tuig

Mga Pagbasa: 1 Hari 19;9a,11-13a/Sal. 85/Rom. 9;1-5Mt. 14;22-33

Daghan ang mga panahom sa paagi nga nilakaw si Jesus sa tubig ug gani ang mga illusionists ang buot man mo-reconstruct sa among scenario pinaagi sa paggamit sa ilusyon kun possible ba gyud nga mahitabo kini. Hinuon di na kini pangutana kun si Jesus nilakaw ba gyud sa tubig o wala hinunoa, unsay nahitabo kang Pedro ug sa mga tinun-an human sa maong kasinatian kuyog niini sa ilang nakat-onan.  Gihatagan og gibug-aton ang pagtuo ug dili ang pagduhaduha. Ug human sa maong panagtagbo si Pedro nga naunlod ang nibalik sa sakayan kuyog sa ilang magtutudlo uban ang dakong pangutana kun nganong ang liyok sa kinaiyahan ang mituman man kaniya. Sa makadaghan kita naunlod. Naunlod kay kita nirisgo ug maayo si Pedro kay giluwas man dayon sa iyang magtutudlo apan alang natong mga tawo usahay kita morisgo tungod kay buot natong tumanon ug hatagan og kinabuhi ang kawsa sa atong mga pangulo apan unsay gibuhati nila? Pasagdan ka lang kun unsaon nimo pagpaningkamot aron maluwas ka sa imong kahimtang. Imo ang hago ila ang kredito kun sila mapakyas, ikaw ang buthan. Puno sa unos ang kinabuhi ug tingali multi-dimensional pa ang kasakitang nahiagoman apan ingon nga kabahin sa liyok sa kinaiyahan molabay ka lang kun diin ka nahimutang karon. Apan wa kini magpasabot nga imo lang hikalimtan ang uban kay at least ang paghunahuna sa kaayohan sa uban mao ang pinaka logical nga buluhaton sa matag tawo ning kalibutan.

  • Follow Us: