Smoking ban
Bisan unsa ka maayo sa proyekto nga pasiugdahan sa gobiyerno, kon kini dili suportahan sa katawhan, dili g’yud ni magmalampuson. Maoy hinungdan nga ang Palasyo miawhag sa publiko nga paluyohan ang smoking ban.
Sa iyang bahin si Health Secretary Paulyn Ubial miawhag sa mga local government units (LGUs) pagmugna og mga task forces alang ning maong katuyoan. Atong paabuton nga buhaton kini sa mga LGUs sa labing dali nga panahon kay tingali’g mapareho ni sa Anti-Distracted Driving Act nga hangtud karon, wa pa ko’y nadunggan nga may nadakpan ug nasilotan gumikan sa paggamit sa cellphone samtang nag-drive.
Duna ba kaha kita’y igo nga gidaghanon sa mga mananakop? Unsa man ni sila, ang mga traffic enforcer, i-deputize pud? O kon usa ka lungsoranon makakita’g manigarilyo sa dalan, maka-citizen arrest kaha siya? Ug kon mosukol?
Ang gikinahanglan nga cooperation niini, magagikan gayud sa mga smoker mismo, otherwise, lisud ang pagpatuman niini. Kooperasyon sa publiko? Unsaon? May Implementing Rules & Regulations (IRR) na ba nga gimugna alang niini? Of course, kaayohan kini natong tanan, busa ato kining suportahan!
* * *
Ato ning hisgutan pag-usab dinhi gumikan sa relevance niining paglugway sa martial law sa tibuok Mindanao hangtud sa katapusang adlaw ning tuiga.
Atong kutloon ang binuksang mga pulong ni kanhi Assemblyman Reuben Canoy, atol sa Mindanao Leaders Summit nga gihimo sa Grand Mensing Hotel sa Davao City, December 1, 2014.
“A week before he was shot and killed on August 21, 1983, I had a chance to meet with the late Sen. Benigno ‘Ninoy’ Aquino at his home-in-exile in Boston. And his last words to me were, ‘If I get to be president, I will declare martial law because that’s the only way I will be able to solve the problems of the nation.’”
Mao ni ang gihimo ni Marcos, to “solve the problems of the nation.” Gawas nga wa ma-“solve ang problems of the nation,” misamot na hinoon ang problema – hinungdan nga nag-EDSA revolution ang katawhan.
Karon, sama sa mga laraw ni Ninoy Aquino, nag-martial law usab si Presidente Digong Duterte, mao gihapon ang rason: “to solve the problems of the nation,” diin ang nakapaaghat kaniya pag-declare sa martial law, mao ang rebellion.
Generally, gidawat kini sa katawhan, ingon man ang paglugway niini hangtud sa December 31. Kini tungod kay ang martial law ni Duterte, wala kita’y nakita nga pag-abuso ug pagyatak sa mga tawhanong katungod.
- Latest
