Ang pampagana sa seks (2)

Importante sa kinabuhi nga magtiayon, ang kanunay nga himsog sa sekswal nga panginahanglan, nga ganado’ng andam sa tanang panahon. Ang aktibo sa seks, makapalig-on kini sa panag-uban, madasigon ug positibo sa kinabuhi. Makalipay bisan sa makaugtas nga problema ug nga mopagaan sa stress, gumikan sa hilabihan nga pagtutok sa pakigbisog sa atong pagpakabuhi.

Daghang pagkaon nga mohatag kanato og gahum sa paglahutay, ilabi na sa sekswal nga ehersisyo sa ibabaw sa kama. Ania pa ang pipila nga sa palibot, madali ra nato kini makit-an ug magamit, sama sa mga mosunod.

* Tamatis pula —Nagbaton ni og ‘lycopene’ nga sustansya, manalipod ug mopalig-on sa mga bihod (semen/sperm) batok sa pagkaugtas. Maoy kaona ang presko nga bunga, dili kanang giproseso, aron pagseguro nga wala maunsa ang mga nutrens niini. Dugangi og ‘olive oil’ aron sa pagtuhop sa ‘fat-soluble antioxidant’.

* Walnuts — Klase ni sa mani nga dasok sa ‘omega-3 fatty acids’, nga segun pa sa pagtuon sa Society for the Study of Reproduction, ang pagkaon og tamatis nga 2.5oz  o 75gm sa walnuts (1 ka kumkom) kada adlaw, makapabaskog na sa mga bihod ug motaas ang kalidad niini.

* Pumpkin seeds — Taas ni og ‘zinc’, nga importante sa kaugmaran sa mga bihod ug sa prodaksyon sa ‘testosterone hormones’ sa lalake. Ang pinulbos niini isagol lang sa mga pagkaon, sama sa salad o sa ‘smoothie’. Dasok sab og minerales ug mga bitamina nga nakatampo sa pagpagana sa seks.

* Blueberries — Prutas ni nga tinubdan sa ‘quercetin’ ug ‘resveratrol’, nga  mamintin ang kahimsog sa mga bihod, aron mas ganado kanunay sa seks.

* Tubig — Daghang tubig mao sa’y mopabuhi sa mga bihod nga igawas ang gana nga makatagbaw sa paghilawas, nga ibayaw sa himaya ang magtiayon.