Dili na mapugos pagpatrabaho ang kawani nga mi-resign na
Which among the three Southern Tagalog provinces is the perfect fit for your family? Know the answer below.
Dear Atty. Divine,
Nagtrabaho ko sa usa ka hospital isip usa ka nurse, apan nag-file ko og resignation letter kay dili na nako makaya ang ‘load’ sa among trabaho nga magsige lang og overtime hinungdan nga nasakit ko. Pag-submit nako og resignation letter niadtong July 15, 2017 akong gisultian ang HR nga kutob ra ko sa August 15, 2017.
Apan miingon nako ang HR nga mangita pa sila og puli nako ug gusto nila nga magpadayon ko sa pagtrabaho hangtud nga makakita na sila og ipuli. Ang akong pangutana attorney kon mapugos ba ko nila sa pagpatrabaho bisan kon miabot na og 30 days gikan sa pag-submit nako sa akong resignation letter?
Kon pananglitan mohunong ko og trabaho sa August 15, pwede ba nako makuha ang akong last pay ug ang akong 13th month pay? Unsa’y akong buhaton kon dili sila mosugot nga moundang ko og duty sa August 15? Daghang salamat. —Jessa
Dear Jessa,
Base sa Labor Code, ang empleyado mahimo nga mo-resign sa iyang trabaho ug ang requirement sa balaod nga iyang hatagan og 30-day notice ang iyang employer aron kini makapangita og hulip kaniya. Sa ato pa, dili makapugos ang imong employer sa pagpatrabaho kanimo after August 15 kay imo na man sila nga gipahibawo labot sa imong pag-resign.
So, kon moundang ka sa pagtrabaho sa August 15, obligado sila sa pagbayad kanimo sa imong last pay, ug sa imong 13th month pay. Angay sab sila nga mohatag kanimo og Employment Certificate. Kon mapakyas sila sa paghatag kanimo niini, then mahimo ka nga mopasaka og reklamo batok sa imong gitrabahoan ngadto sa NLRC. Thanks and God Bless.
Atty. Divine
* * *
Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest
