Klase na pud

Sa Talamban Campus ako nabalhin ambot og kinsa na pud kaha ang akong mga estudyante but one thing is for sure sugod na gyud ang klase ug di na gyud kapugngan pa mao nga pangandaman na gyud ni. Bag-ong textbooks references ug uban pa apan sa laing bahin bag-ong kasinatian, bag-ong makat-onan. Padayon ang pagpangita sa kamatuoran ning kinabuhia. Lisud gyud hinuon apan sa laing bahin mamahimong makahuloganon ang tanan kon ugaling imong paningkamotan ang magpuyo sa kinabuhing maduki-dukion sa mga pagtulon-an. Sa kinabuhi sa tawo mas maayo ang mangutana ug diha sa pagpangutana mamahimo ka untang abli sa posibilidad nga walay mga tubag nga ikahatag. Apan seguro ko nga kining maong kasinatian magdapit nako sa pagpamalandong nga ang kinabuhi diay puno sa tanghaga uban sa mga batan-on nga sama tingali natong mga hamtong ang nagpangita sa tubag sa daghanang mga pangutana.