Nagdumili sa pagbakante sa giabangang yuta

Dear Atty. Divine,

Ang akong Nanay nagpaabang sa among yuta nagtukod og balay nga “made of light materials” ang nag-abang. Sukad last year wala na namo sila paabanga ug amo na sila nga gisultian nga dili na namo paabangan ang yuta kay among ibaligya.

Apan hangtod karon wala mopahawa ang nag-abang niini ug kami pa ang gihulga nga ikiha unsa man ang angay namo nga buhaton? Daghang salamat. — Jessa

Dear Jessa,

Ang una ninyo nga buhaton mao ang pagpadala og demand letter sa nag-abang alang sa pag-vacate sa maong property. Imong hatagan og 15 ka adlaw ang nag-abang sa pagguba sa ilang balay.

Kon pananglit iya lang ibaliwala ang imong demand letter, then imo kining pasakaan og kaso nga Ejectment sa barangay.

Kon dili gihapon siya mopahawa ug dili kamo maareglo sa barangay, then imo na gyud siya nga pasakaan og kaso ngadto sa korte kay klaro man kaayo nga wa na siya’y katungod nga mo-occupy sa property. Thanks and God bless! —  Atty. Divine

 Alang sa inyong pangutana ipadala lang sa Legal  Corner sa Banat News sa V. Gullas St., Cebu City or email sa [email protected] ug akong tubagon  ang inyong pangutana  pinaagi sa akong column matag Miyerkules, Sabado ug Domingo.