Martial Law ug diktadura
Dihang gipahibawo ni Senior Inspector Romeo Enriquez sa Malabang, Lanao del Sur nga buhi siya, sukwahi sa pangangkon ni Presidente Rodrigo Duterte nga may hepe nga nasakpan sa checkpoint sa Maute group ug gipunggotan, nitumaw ang mga pangutana kinsa’y naghatag sa sayop nga kasayuran.
Nisunod sab ang mga pagduda unsa pa’y ubang sayop nga kasayuran nga nadawat nga mahimong gipasikaran sa pagdeklarar og martial law. Mas abunda hinoon ang mga timaan nga dili kinalitkalit ang hukom.
* * *
Duha ka sakop sa gabinete ang nipahibawo nga dugay na kini nga plano ni Duterte:
Si Defense Secretary Delfin Lorenzana nibutyag nga gisugo siya ni Duterte pagpangandam sa martial law kaniadtong Nobiyembre sa niaging tuig (gipugngan niyang presidente); ug
Si Justice Secretary Vitaliano Aguirre niingon nga gitun-an ni Duterte ang pagpakanaog sa martial law sulod na ron sa pila ka buwan (gidasig niyang presidente).
* * *
Si Duterte kadaghan na nihulga og martial law ug diktadura, apan wa’y niseryuso niya tungod sa naandang atras-abante nga sulti:
Oktubre 22, 2015: “It’s going to be a dictatorship… It’s the police and the military who will be the backbone.”
Pebrero 24, 2016: “I will not become a dictator. I will just ask everybody to follow the law. But then, I’ll be strict and harsh.”
Marso 30, 2016: “Becoming a dictator would dishonor my mother.”
Agosto 9, 2016: Gisukna niya si Supreme Court Chief Justice Maria Lourdes Sereno kun palabihon ba ang martial law pagsulbad sa drugas.
Oktubre 4, 2016: Niangkon nga natental siya pagdeklarar og martial law tungod sa drugas apan nipili sa state of lawlessness.
* * *
Nobiyembre 15, 2016: “Martial law is only a contingency against widespread violence.”
Disyembre 1, 2016: Nihulagway nga binuang ang martial law kay wa makapalambo sa katawhan atol sa pamunoang Marcos.
Disyembre 23, 2016: Niawhag nga usbon ang 1987 Constitution aron nga ang presidente ra ang may gahum pagdeklarar og martial law.
Disyembre 30, 2016: “Declaring martial law is futile and will only burden the innocent.”
Enero 14, 2017: Nihulga pagdeklarar og martial law kun ganahan, bahala na’g unsa’y sulti sa Konstitusyon.
Enero 18, 2017: Niuyon nga wa’y rason pagdeklarar og martial law, apan nipasidaan sa hulga sa ISIS sa Mindanao.
- Latest
