Banat ( Leaderboard Top ), pagematch: 1, sectionmatch: 1

Pahiyom sa mga bata

Mahiligon gyud ko og bata kaniadto pa. Ug gani nakahunahuna ko nga maayong ibalik na lang unta sa pagkabata kay kaon, duwa katug mao ray problema. Dugang pa, dili stressful ang ilang kinabuhi kay sige man sila og duwa ug simple ra pud ang ilang panginahanglan.

Di sama natong mga dagko nga atong gikomplikado ang tanan. Mao nga di gyud nako saypon nga sa panahon sa stressful nga kinabuhi ug schedules bahala nag tawgon kong way buot basta sa mga bata lang makigduwa. Duwa mi og tago-tago, tumba lata dakop-dakop ug uban pa. Akong gisuwayan ang luksong tinik apan di na madala kay tiyan nako pwerte namang bug-ata. Igo na lang kong mokatawa samtang nagtan-aw nila nga nagduwa. Ginaingon pa nila nga kun gusto kang motaas-taas ang imong kinabuhi pakigsuod sa mga bata ug sa mga tiguwang. Ang mga bata maghatag kanimo sa kalipay nga di kabayran og sapi ug ang mga tiguwang maghatag kanimo sa tambag nga magdala kanimo og kinaadman.

  • Follow Us: