Banat ( Leaderboard Top ), pagematch: 1, sectionmatch: 1

Unsaon pagbaligya sa kabilin kun minor pa ang heirs

Dear Atty. Divine,

May napalit nga yuta ang akong igsuon, sa dalaga pa siya. Sa iyang pagkamatay, nagbilin siya og duha ka anak nga anaa namong magtiayon kay ang iyang bana wala may trabaho, pero kay maestra man ang akong igsoon, naay nadawat nga pension para niya ug para unta sa mga bata, apan wala man maghatagan kanunay ang ilang amahan kada bulan, tingali katulo o kaupat lang sa usa ka tuig nga mohatag. Nag-edad na karon ang mga bata og 14 ug 12 anyos, ug naglisud na ako sa ilang pag-eskwela. May laing pamilya na ang ilang amahan ug may duha na ka anak sa iyang kapuyo. Ang akong pangutana, kinahanglan pa ba og consent sa ilang amahan kun ibaligya ang yuta sa ilang inahan? Ug unsa’y akong buhaton para unta mahatagan og financial support ang iyang mga anak nga anaa kanako. Salamat kaayo ug more power! - Ma. Victoria

* * *

Dear Ma. Victoria,

Kun kasado ang imong igsuon sa amahan sa iyang mga anak, ang iyang bana maoy compulsory heir niya ug ang duha nila ka anak. Apan kun wala suportahi ang mga bata, ug ang bana ra ang nagdawat sa tanang pension nga intended sa mga bata, mas maayo nga inyong pahibaw-on ang GSIS kalabot sa maong sitwasyon aron magiyahan ka kun unsa’y angayan nimo nga i-submit kanila aron ang pension mapunta gyud sa mga bata. Samtang kalabot sa kabilin nga yuta sa imong igsuon, dili gyud mo makabaligya niini kun wa’y pagtugot sa amahan kay siya man ang usa sa mga compulsory heir. Apan duna kay mga option kun unsa’y gusto nimong buhaton:

1.) Pahibaw-a ang GSIS nga ang mga bata anaa sa imong custody ug wa kini suportahi sa amahan aron mapangitaan og paagi nga ang mga bata na ang modawat sa ilang pension. 2.) Mopasaka ka og Petition for Guardianship ngadto sa korte aron itudlo ka nga guardian sa mga bata ug sa ilang kabtangan ug mananghid ka sa court nga kinahanglan ibaligya ang property alang sa suporta sa mga bata. 3.) Imong padad-an og demand letter ang amahan alang sa imong pangayuon nga suporta sa mga bata. 4.) Kun dili ka mo-file og guardianship sa korte, mahimo ka nga mangayo og Special Power of Attorney sa amahan sa mga bata alang sa pagbaligya sa property. Thanks and God Bless. - Atty. Divine

  • Follow Us: