Araw ng Kagitingan, ginunita sa Bataan
BATAAN , Philippines – Umabot sa libo-katao ang sumaksi sa ika-75 taong paggunita ng Araw ng Kagitingan sa tuktok ng Mt. Samat sa Barangay Diwa sa bayan ng Pilar, Bataan kahapon.
Pinangunahan ni Pangulong Rodrigo Roa Duterte kasama sina Japanese Ambassador Kazuhido Ishikawa at U.S. Embassy Charge D’ Affairs Michael Klecheski ang pag-aalay ng bulaklak bilang pasasalamat at paggunita sa mga namayapang beterano.
Sa mensahe ni Pangulong Duterte, nakangiting binanggit nito ang benepisyong tatanggapin ng mga beterano.
“I am directing the Department of Budget and Management to the Department of National Defense to expedite the early release of retirement pension, initial 2008, 2010, 2013 in the amount of P8.421 bilyon, Mabuhay ang mga Beterano, Mabuhay ang Pilipinas, Saludo ako sa inyo Sir,” pahayag ng Pangulo.
Samantala, maluha-luhang pinasalamatan ni Angel de Guzman, 92, ng Abucay, Bataan ang tinuran ng Pangulo na malaking tulong para sa kanya dahil malulutas ang problemang pinansiyal sa kanyang pamilya sa pambili ng kanyang mga gamot.
Dumalo rin sina Bataan Governor Albert Raymond Garcia, 1st District Rep. Geraldine Roman, 2nd District Rep. Joet Garcia at mga opisyal ng lokal na pamahalaan.
- Latest
